منتديات افا كاراس ومارجرجس بالغابات
 
الرئيسيةاليوميةس .و .جبحـثالتسجيلدخول

شاطر | 
 

 زوادة اليوم: مخاطر الانترنت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سعاد
الادارة العامة
الادارة العامة
avatar

عدد المساهمات : 22227
نقاط : 30251
تاريخ التسجيل : 10/10/2014
الموقع : لبنان

مُساهمةموضوع: زوادة اليوم: مخاطر الانترنت   الأربعاء مايو 10, 2017 3:52 am

زوادة اليوم: مخاطر الانترنت
بيخبرو عن شب راح عند ختيار كان يهتم فيه ويطل عليه من وقت للتاني، كان هالختيار إلو كَم يوم ما إجا على الكنيسة ولا على بيت المحبة. لـمّا وصل عند الختيار شافو نايم بالتخت وما عندو حدا، سألو الشبّ: «ليش لحالك، إبنك وين؟» قلّو الختيار: «إبني نقل وسكن لحالو بالطابق التاني وأكتر من هيك بيقضّي أكتر الأوقات ع جهاز الكومبيوتر عم يحكي مع أصحابو». بيسألو الشبّ: «طيّب إذا بدّك شي منّو، كيف بتوصلّو خبر؟» جاوب الختيار: «بكل بساطة بفكلّو شريط الانترنت، وهيك بينقطع الإرسال عندو، ولـمّا بينزل حتّى يوصلو، بخبرو إنّي تفركشت بالشريط أنا وفايت ع الحمّام وانقطع». بيسأل الشبّ من جديد: «وكم مرة بتتفركش؟» بقلّو الختيار: «شي مرتين بالساعة».
الزوّادة بتقلّي وبتقلّك:
«كم مرّة منفتّش ع صداقات بآخر الدني ومننسى أقرب الأشخاص لإلنا، وأوّلهن أهلنا».





الرجوع الى أعلى الصفحة اذهب الى الأسفل
 
زوادة اليوم: مخاطر الانترنت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات افا كاراس ومارجرجس بالغابات  :: قسم القصص والتاملات المسيحية :: طعام كل يوم ( تأمل روحيّ )-
انتقل الى: